Elektriklə işləyən maşın istehsalçısı “Tesla” qaradərili əməkdaşına qarşı irqçiliyə görə 137 milyon dollar təzminat ödəməlidir.
Kaliforniya Məhkəməsi şirkət tərəfindən San-Fransiskonun Bay bölgəsindəki Fremont fabrikində lift operatoru işləyən 53 yaşlı Oven Diaza qarşı irqçilik edildiyi barədə qərar qəbul edib.
Qərarda qeyd edilib ki, O.Diaz 2015-2016-cı illərdə doqquz ay boyunca düşməncə iş mühitinə məruz qalıb. “Tesla” rəhbərliyi isə ona qarşı təcavüzlərin qarşısını almaq üçün heç bir addım atmayıb.
“Tesla”nın Oven Diaza 6,9 milyon dollar mənəvi təzminat, 130 milyon dollar isə cəza təzminatı ödəməsinə qərar verilib.