• 25 May 2024 09:55

120 ildən sonra Romanovlar sülaləsində toy – FOTO/VİDEO

Okt 2, 2021

Rusiyanın Sankt-Peterburq şəhərində Müqəddəs İshaq Katedralində Romanovlar sülaləsinin varisi knyaz Qeorq Romanovun toyu olub.

40 yaşlı şahzadə italyan diplomatının qızı Rebekka Bettarini ilə nikaha daxil olub. Kilsə mərasimi üçün isə cütlük Sankt-Peterburqu seçib.

Mərasimi Sankt-Peterburq və Ladoga mitropoliti Varsonofi aparıb.

Bu toy, 1917-ci il inqilabından bəri Rusiyada Romanovlar imperiya evi tarixində ilk toydur. Qonaqların Rusiya imperiyası ruhunda geyimləri maraqla qarşılanıb.

Rusiyada bir əsr sonra təşkil olunan ilk Romanov toyu olması baxımından diqqət çəkən nikah mərasiminə çox sayda qonaq qatılıb.

Georgi Romanov Rusiya İmperatorluğunun son çarı II Nikolayın əmisi oğlu Böyük Hersoq Kirilin nəvəsi Böyük Hersoqinya Mariya Vladimirovna Romanovanın oğludur. O, Madriddə dünyaya gəlib, İspaniyada yaşayır.

Qeyd edək ki, çar II Nikolay arvadı və beş övladı ilə 1918-ci ildə öldürülüb.

120-ilden-sonra-romanovlar-sulalesinde-toy-fotovideo