Məlum olduğu kimi, bu gündən ali məktəblərdə əyani tədris prosesinə başlanılıb.
Bir il yarımdan sonra ilk dəfə ənənəvi tədrisə başlayan universitetlərin giriş qapılarında sıxlıq müşahidə edilib. Sıxlığı əks etdirən videolar və fotolar sosial şəbəkələrdə yayılıb.
Sıxlığa səbəb Nazirlər Kabineti yanında Operativ Qərargahın qərarına əsasən COVID-19 pasportunun tələb edilməsidir. Səhər saatlarından etibarən ali məktəblərin giriş qapısında tələbələrin COVID pasportunun olub olmaması-yoxlanılır. Nəticədə ali məktəblərin qarşısında kütləvi sıxlıqlar müşahidə edilib.
Sıxlıq daha çox metronun Elmlər Akademiyasının Bakı Dövlət Universitetinin qarşısında yerləşən çıxışında və universitetin girişinin qarşısında qeydə alınıb.
Oxşar hal Azərbaycan Dillər Universitetində də yaşanıb. Uzun növbə, böyük sıxlıq tələbələrin dərsə yubanmasına gətirib çıxardıb.
Xatırladaq ki, Nazirlər Kabinetinin Qərarına əsasən ali və orta-ixtisas təhsili müəssisəsində təhsil alan yaşı 18-dən yuxarı olan bütün şəxslərin COVID-19 pasportunun (COVID-19-a qarşı peyvənd sertifikatı və ya COVID-19-a qarşı immunitet sertifikatı) olması tələbi müəyyən edilir.