Bu günlərdə Meksikanın paytaxtı Mexikoda Latın Amerikası və Karib hövzəsi ölkələrinin (ABŞ, Kanada və Braziliya bura daxil deyil) sammiti keçirilib.
Sammitin ən qalmaqallı məqamlarından biri Venesuela diktatoru Nikolas Maduronun orada iştirakı olub. Belə ki, Uruqvay və Kolumbiya sammit təşkilatçılarından Maduronu toplantıya buraxmamasını xahiş etsə də, samiitə ev sahibliyi edən Meksika hökuməti onu tədbirə dəvət edib.
Maduro sammitdə çıxışı edərkn Avropa İttifaqına oxşar strukturun yaradılması ideyasına dəstək verib. O, yeni təşkilatın mənzil-qərargahının Mexikoda yerləşə biləcəyini deyib.
Tədbir barədə məlumat dərc edən “Heraldo de Mexico” nəşri “Banan respublikaları” adlı məqalədə Maduronun sammitdə özünü ərəb şeyxi kimi apardığını yazıb:
“Onun barmağında iki üzük vardı: Azərbaycanda ona bağışlanmış zümrüd qaşlı üzük və ikincisi, sadəcə qızıldan olan”.
Qeyd edək ki, Nikolas Maduro 2016-cı ilin oktyabrında Qoşulmama Hərəkatının sammitində iştirak etmək üçün Bakıya səfər etmişdi.
Həmin sammitdə təşkilata sədrlik Azərbaycana keçib.