Yevlax Şəhər İcra Hakimiyyətinin sabiq başçısı Qoca Səmədov həbsdən ev dustaqlığına buraxılıb.
Bu barədə onun vəkili Elnur Vəliyev məlumat verib.
Vəkil bildirib ki, bir müddət əvvəl keçmiş icra başçısının vəziyyəti pisləşib və o, Bakı şəhərində Mərkəzi Klinikaya yerləşdirilib:
“Ürək damar sistemindəki problemlərə görə əməliyyat olunacaq. Əvvəllər də bu səbəbdən bir dəfə açıq ürək əməliyyatı keçirib. Bundan başqa şəkər xəstəliyi və hiporteniyası var.
Dünən məhkəmədə vəsatətimizə baxıldı və təmin olundu. Hazırda Qoca Səmədov Mərkəzi Klinik Xəstəxanadadır. Məhkəmə prosesi səhhətinə uyğun olaraq davam etdiriləcək”.
Ötən gün Q.Səmədov barəsində seçilmiş həbs qətimkan tədbirinin dəyişdirilməsi ilə bağlı vəsatət verilib. Şəki Ağır Cinayətlər Məhkəməsi vəsatəti təmin edib və keçmiş icra başçısı barədə başqa yerə getməmək barədə iltizam tədbiri seçilib.