Biləsuvar rayonunun keçmiş icra başçısı Mahir Quliyev koronavirusa yoluxub.
Bu barədə onun vəkili Leyla Məmmədova məlumat verib.
Vəkil bildirib ki, M.Quliyevin vəziyyəti Astara müvəqqəti saxlama təcridxanasında ağırlaşdığından onu Dövlət Gömrük Komitəsinin İxtisaslaşmış Hospitalına köçürüblər:
“Həkimlərin rəyinə əsasən, o, şəkərli diabet, hipertoniya, ürək çatışmazlığı və bu kimi digər ciddi yanaşı xroniki xəstəliklərdən də əziyyət çəkir. Hazırda vəziyyəti stabil ağırdır. M.Quliyev süni nəfəs aparatına qoşulub”.
Qeyd edək ki, Mahir Quliyev bu il aprelin 29-da Dövlət Təhlükəsizliyi Xidmətinin əməkdaşları tərəfindən həbs edilib.
O, Cinayət Məcəlləsinin 179-cu (mənimsəmə və israf etmə), 308.1-ci (vəzifə səlahiyyətlərindən sui-istifadə etmə), 311.3.2-ci (təkrar rüşvət alma) və 313-cü (vəzifə saxtakarlığı) maddələri ilə ittiham edilir.