Milli Müqavimət Cəbhəsinin lideri Əhməd Məsud Əfqanıstan xalqını “Taliban”a qarşı mübarizə etməyə çağırıb.
Ə.Məsudun rəsmi müraciəti YouTube-da audio mesaj formasında yerləşdirilib.
Əhməd Məsud Pəncşirdə “Taliban”a qarşı mübarizənin bitmədiyini bildirib:
“Bütün Əfqanıstan xalqını, ölkənin hər yerindəki bütün qardaşlarımızı və bacılarımızı zülmkarlara müqavimət göstərməyə çağırıram”.
O, ölkənin azad olunmasına və “Əfqanıstanın qələbəsinə” qədər mübarizə aparacaqlarını deyib.
Qeyd edək ki, bir qədər əvvəl “Taliban” Müqavimət Cəbhəsi liderinin atası Əhməd Şah Məsudun məqbərəsini ələ keçirtdiyini elan edib.