Sosial şəbəkələrdə Bakının Sabunçu rayonu, Maştağa qəsəbəsində yerləşən 7 saylı Şəhər Poliklinikasında vaksinasiya zamanı karantin qaydalarının pozulması ilə bağlı görüntülər yayılıb.
Yayılan görüntülərə görə, çoxlu sayda vətəndaş vaksin növbəsini gözləyir. Növbədə gözləyənlər arasında sosial məsafə qorunmur.
Qeyd edək ki, bir neçə gün öncə Baş Prokurorluq və Daxili İşlər Nazirliyi Maştağa qəsəbəsində yerləşən 7 saylı Birləşmiş Şəhər Xəstəxanasında saxta COVID-19 pasportunun verilməsi ilə bağlı əməliyyat keçirib və 50-100 manat müqabilində vətəndaşlara saxta COVID-19 sertifikatı verən tibb bacıları saxlanılıb.