Almaniya kansleri Angela Merkel vəzifədən getdikdən sonra ayda təxminən 15 min avro pensiya alacaq.
Bu barədə Almaniya Vergi Ödəyiciləri Federasiyasının hesablamalarına istinadən DPA agentliyi məlumat yayıb.
Agentliyin məlumatında bildirilir ki, bu məbləğ Merkelin uzun müddət Bundestaq üzvü olması və Almaniya kansleri vəzifəsini icra etməsinə görə müəyyən edilib.
Qeyd edək ki, A.Merkel 1954-cü ildə anadan olub. 1989-cu il inqilabının başladığı vaxtlarda siyasətə daxil olub. A.Merkel 2005-ci ildən Almaniyanın kansleri vəzifəsini icra edir.
Onu da qeyd edək ki, bu ilin sentyabrın 26 -da Almaniyada parlament seçkiləri keçiriləcək, daha sonra yeni hökumət qurulacaq. Angela Merkel namizədliyini irəli sürməyəcəyini və seçkilərdən sonra siyasətdən getmək istədiyini açıqlayıb.