Oktyabrın 1-dən Avstraliyanın Melburn şəhərinin şərqindəki Noks bölgəsində ev pişiklərinin çölə çıxmasına qadağa qoyulacaq.
Bu qadağanın pişikləri və vəhşi həyatı qorumaq məqsədi daşıdığı bildirilib.
Evdən ilk dəfə çıxan pişiklərin sahibləri 91 dollar cərimələnəcək, davam edən pozuntulara görə isə 545 dollar cəza nəzərdə tutulub.
Yerli administrasiya bölgədə qeydiyyatda olan yeddi min ev pişiyinin avara gəzməməli olduğunu bildirərək, pişiklərin yalnız evin həyətində gəzməsinə icazə olduğunu qeyd edib.
Qadağaya səbəb kimi pişiklərin quşları, kiçik məməliləri və kərtənkələləri yedikləri göstərilib.