Cənubi Koreya 50 yaşa qədər olan insanların “AstraZeneca” preparatları ilə peyvəndlənməsini dayandırır.
Bu barədə Koreyanın xəstəliklərə nəzarət və profilaktikası agentliyi məlumat yayıb. Buna əsas səbəb olaraq “AstraZeneca” şirkətinin peyvəndindən iki şəxsin trombozdan vəfat etməsi göstərilir.
Məsələn, bu ilin iyun ayının 22-də 30 yaşlı şəxs trombostopeniya sindromundan dünyasını dəyişib. İlk peyvənd vurulduqdan 9 gün ərzində onda ağır ishal və baş ağrıları kimi yan təsirlər meydana gəlib. Buna görə də sözügedən firmanın preparatının birinci dozasını alan yerli vətəndaşlar ikinci dozanı “Pfizer” şirkətinin peyvəndindən alacaqlar. Hazırda Cənubi Koreyada “AstraZeneca”dan başqa yalnız “Pfizer” və “Janssen” şirkətlərinin preparatlarına lisenziyalarına icazə verilib.