Mülki Prosessual Məcəlləyə dəyişikliklər edilməsi təklif olunur.
Yeni dəyişikliyə əsasən iddianı təmin etmək haqqında ərizəyə, məhkəmə əmrinin çıxarılması və sadələşdirilmiş icraat qaydasında baxılmış işlərlə bağlı çıxarılmış məhkəmə qətnamələrindən verilmiş apellyasiya şikayətlərinə məhkəmə iclası keçirilmədən və tərəflər izahatları dinlənilmək üçün çağırılmadan baxılacaq.
Təklif edilən digər dəyişiklik isə apellyasiya instansiyası məhkəməsinin qərardan verilən şikayətə onun məhkəməyə daxil olduğu vaxtdan 20 gün müddətində yazılı icraat qaydasında baxması ilə bağlıdır. Lakin məhkəmə işdə iştirak edən şəxsin bu barədə verdiyi vəsatəti əsaslı hesab etdikdə və ya öz təşəbbüsü ilə şikayət üzrə işə məhkəmə iclasında baxa bilər.
Layihəyə Milli Məclisin iyunun 25-də keçiriləcək plenar iclasında baxılacaq.