“Azərbaycan Hava Yolları” (AZAL) aviaşirkətində ilk qadın pilotlar işə başlayıb.
Bu barədə şirkətin məlumatında bildirilir. Fidan Məmmədova, Elnarə Vasilyeva, Marina Sviridova və Könül Əfəndiyeva AZAL-ın ilk qadın pilotları kimi tarixə düşüb.
Xanım pilotlar Azərbaycan Milli Aviasiya Akademiyasında təhsil alıb, bütün imtahanları əla qiymətlərlə verib və yekun praktik sınaqları da uğurla keçiblər. İndi onlar hava gəmilərində daxili və beynəlxalq uçuşları həyata keçirən AZAL-ın yüksək səviyyəli pilotlarıdır.