Bu gün Az TV telekanalının operatoru Sirac Abışov, Azərtac xəbər agentliyinin əməkdaşı Məhərrəm İbrahimov və Kəlbəcər Rayon İcra Hakimiyyəti başçısının Susuzluq kənd inzibati ərazi dairəsi üzrə nümayəndəsinin müavini Arif Əliyev rayonun Susuzluq kəndi istiqamətində hərəkətdə olarkən tank əleyhinə minaya düşərək həlak olublar.
Media və icra nümayəndəliyinin əməkdaşlarının olduğu “Kamaz” markalı sərnişin avtomobilində həlak olanlardan başqa 4 nəfər də olub. Həmin şəxslər müxtəlif dərəcəli bədən xəsarətləri almaqla xəstəxanaya yerləşdiriliblər.
Qeyd edək ki, media nümayəndələri xidməti vəzifələrinin icrası ilə əlaqədar işğaldan azad edilmiş Kəlbəcər rayonuna ezam olunmuşdular.