Ümumdünya Səhiyyə Təşkilatı (ÜST) COVİD-19 pandemiyası ilə əlaqədar bütün dünyada tətbiq etdiyi fövqəladə vəziyyət rejimini daha 3 ay uzadıb.
Bu barədə Cenevrədə ÜST-ün Fövqəladə Komitəsinin iclasında müzakirələrdən sonra qərar çıxarılıb.
“ÜST-ün baş direktoru COVİD-19 pandemiyasının ictimai səhiyyədə beynəlxalq əhəmiyyətli fövqəladə vəziyyət olaraq qaldığı qərarına gəlib. O, Komitənin tövsiyələri ilə razılaşıb”, – deyə qurumun bəyanatında bildirilir.
Mütəxəssislər pandemiyanın “hələ də fövqəladə hadisə olduğuğu və dünya əhalisinin sağlamlığına mənfi təsir göstərməyə davam etdiyi” qənaətinə gəliblər.