Avropa Şurası Avropada məhbus sayı barədə hesabat yayıb. Hesabata görə, Azərbaycanda ümumilikdə 21012 məhbus var. Onların 2,7 faizi qadınlardır. Hər 100 min nəfərə 208-dən çox məhbus düşür.
Hər 100 min nəfərə düşən məhbus sayı 2018-ci ildə 235, 2019-cu ildə 218, 2020-ci ildə 208 nəfər olub. 2010-cu illlə müqayisədə azalma 14 faiz təşkil edib. Son 10 ildə Ermənistan və Gürcüstanda isə azalma 50 faiz olub.
Hər 100 min nəfər əhaliyə düşən məhbus sayına görə, Azərbaycan AŞ məkanında 5-cidir. 1-ci Türkiyədir – orda 100 minə 357 məhbus düşür. Bu göstərici Rusiyada 356, Gürcüstanda 263, Litvada 219-dur. Hər 100 min nəfərə Ukraynada 126, Ermənistanda 75, İslandiyada 45, Finlandiyada 48 məhbus düşür.
Məhbuslar arasında narkotik cinayətlərinə görə cəza çəkənlərin ümumi çəkisi daha artıqdır – belə məhbuslar ümumi məhbusların 29 faizini təşkil edir.
Hesabata əsasən, Azərbaycan həbsxanalarında boş yerlər var – hazır olan hər 100 yerə 82.4 məhbus düşür. Məsələn, Türkiyədə hər 100 həbs yerinə 127, İtaliyada 120 məhbus var.
Azərbaycan AŞ məkanında məhbuslara ən az vəsait xərcləyən ölkələrdəndir. Saxlanılan şəxs üçün günlük xərc 6,7 avro, məhkum edilmiş hər bir nəfər üçün 5,9 avro təşkil edir. Azərbaycandan az xərcləyən cəmi 2 ölkə var: Rusiya hər bir məhbusa günlük 2,8, Bolqarıstan isə 5,7 avro xərcləyir.
Gürcülərin günlük xərci 12,6 avro, ermənilərinki isə 18,8 avrodur.
Bəzi Avropa ölkələrinin məhbuslara günlük xərci isə belədir:
Andorra – 178;
Avstriya – 128;
Danimarka – 202;
Finlandiya – 204;
İrlandiya – 206;
Lüksemburq – 245;
Hollandiya – 265;
İsveç – 304;
Norveç – 318;
Lixtenşteyn – 352;
Monako – 467;
San Marino – 1081 avro…..
(Məlumat hüquq müdafiəçisi Xalid Ağaliyevin fb səhifəsindən götürülüb)