Türkiyə ordusunda FETÖ terror təşkilatı ilə əməkdaşlıqda şübhəli bilinən hərbçilərin saxlanılması istiqamətində genişmiqyaslı əməliyyat keçirilib.
İstanbul Baş Prokurorluğu tərəfindən aparılan əməliyyat zamanı FETÖ ilə əməkdaşlıqda şübhəli bilinən 93 hərbçi saxlanılıb. Onlardan 25-i həbs edilib, üç nəfər barəsində araşdırmalar aparılır. 22 nəfərin axtarışları davam edir. Saxlanılanlardan 22-i terror təşkilatının fəaliyyəti ilə bağlı təhlükəsizlik qüvvələrinə geniş məlumat verib.
Daha bir əməliyyat İzmir Baş Prokurorluğu tərəfindən ölkənin 53 vilayətində keçirilib. Martın 23-də başladılan əməliyyatlarda indiyədək 184 hərbçinin saxlanılmasına qərar verilib. Bu şəxslərdən 172-i saxlanılıb ki, 123 nəfəri hazırda fəaliyyətdə olan hərbçilərdir. Saxlanılanlardan 41-i həbs edilib, 92-i məhkəmə nəzarəti şərti ilə sərbəst buraxılıb.
Digər şübhəlilərin axtarışları davam edir.