Martın 31-də Azərbaycanın Milli Qəhrəmanı Murad Mirzəyevin doğum günü münasibətilə Müdafiə Nazirliyinin bir qrup hərbi qulluqçusu igidimizin məzarını ziyarət edib.
Anım mərasimində Azərbaycanın suverenliyi, ərazi bütövlüyü və torpaqlarımızın azadlığı uğrunda canından keçən şəhidlərimizin xatirəsi bir dəqiqəlik sükutla yad edilib.
Mərasimdə Murad Mirzəyevin şərəfli həyat yolundan, onun vətənpərvərliydən, göstərdiyi şücaət və qəhrəmanlıqdan danışılıb.
Çıxış edənlər qəhrəmanın yüksək Vətən sevgisinin onu şəhidlik zirvəsinə ucaltdığını vurğulayıblar.
Qeyd edək ki, aprel döyüşlərinin qəhrəmanı olan Murad Mirzyev 1976-ci ildə Sabirabad rayonunun Muğan Gəncəli kəndində anadan olub. Milli Qəhrəmanımız Türkiyə Ali Hərbi Quru Qoşunları məktəbinə daxil olub və 1998-ci ildə oranı birinciliklə bitirib. Türkiyə Prezidenti tərəfindən ona qılınc hədiyyə edilib.
O, 2016-cı il Aprel döyüşləri zamanı ələ keçirdiyi yüksəkliyi sonuna kimi müdafiə edərək qəhrəmancasına şəhid olub.
Şəhid polkovnik-leytenant 5 dil bilirdi.
M.Mirzəyevdən iki yadigar – Nurlan və Dəniz adlı övladları qalıb.
“Belə-belə işlər” platformasının Murad Mirzəyevlə bağlı hazırladığı videoçarxı sizə təqdim edirik:
