Koronavirus infeksiyasına qarşı Avropada ilk peyvəndi ixtira edən “Biontech” şirkətinin qurucuları Uğur Şahin və Özləm Türeciyə Almaniyanın ən böyük mükafatı verilib.
Türk alimlər Almaniya Federativ Respublikasına xidmətə görə “Şərəf” ordeni ilə təltif olunublar.
Təltifetmə mərasimində Almaniya Prezidenti Frank-Valter Ştaynmayer və Kansler Angela Merkel də iştirak edib.
“İnkişaf etdirdiyiniz peyvənd insanlığa xidmətdir. Hazırda bu səbəbdən buradayıq. Bu peyvənd yalnız insanları qurtarmır, həm də bəşəriyyətin sosial həyatının davamını da xilas edir. Hekayəniz insanlıq üçün ən yaxşı ilham mənbəyidir”,- deyə Ştaynmayer təltifetmə mərasimində çıxış edərkən bildirib.
