“Azərbaycan Hava Yolları” QSC, “Azərbaycan Dəmir Yolları” QSC, Bakı metropoliteni” və Bakı Nəqliyyat Agentliyinin tabeliyindəki “BakuBus” MMC Azərbaycan İnvestisiya Holdinqinin idarəetməsinə verilib.
Müvafiq sərəncamı prezident İlham Əliyev fevralın 12-də imzalayıb.
Xatırladaq ki, Azərbaycan İnvestisiya Holdinqi 2020-ci il avqustun 7-də dövlət başçısının fərmanı ilə yaradılıb. Məqsəd “dövlət kapitalının iştirakı ilə dövlət şirkətləri və müəssisələrin iqtisadi şəffaflığı və səmərəliliyinin artırılması, onların rəqabət qabiliyyətinin gücləndirilməsi, maliyyə sağlamlaşdırılması və davamlılığının yaxşılaşdırılmasıdır”.
Azərbaycanın baş naziri Əli Əsədov AİH Müşahidə Şurasının sədri, Mətin Eynullayev İdarə Heyətinin sədri təyin edilib.