Yaponiyada yağan güclü qar böyük qəzaya səbəb olub.
Belə ki, yolların buz bağlamasına görə 130 avtomobil toqquşub.
Hadisə zamanı maşınlarda 200-ə yaxın sərnişinin olduğu qeyd olunub. Onlardan 10 nəfər ağır yaralanıb, bir nəfər həyatını itirib.
Yaponiya Meteoroloji Agentliyi Hokkaido, Tohoku və Hokuriku bölgələrində qarın güclənəcəyi barədə məlumat yayıb, sürücülərə xəbərdarlıq edib. Bildirilib ki, bölgələrdə qarın hündürlüyü 50 sm-ə çatıb.
