Braziliyada son sutka ərzində daha 52 035 nəfərdə koronavirus aşkarlanıb, 962 nəfər bu virusun qurbanı olub. Bu barədə ölkənin Səhiyyə Nazirliyi məlumat yayıb.
Bununla da ölkədə koronavirusa yoluxanların sayı 8 013 708-ə, bu virusdan ölənlərin sayı isə 201 460-a çatıb.
İndiyədək 7 096 931 nəfər sağalıb. Ölkədə 715 317 aktiv koronavirus xəstəsi var ki, onlardan da 8 318-nin vəziyyəti ağır qiymətləndirilir.
Braziliya koronavirusa yoluxma sayına görə dünya ölkələri arasında üçüncü yeri tutur. Birinci yerdə ABŞ, ikinci yerdə isə Hindistandır.