“Azərbaycan Televiziya və Radio Verilişləri” QSC-nin inzibati binasında bədbəxt hadisə baş verib.
Bu barədə AzTV-nin feysbuk hesabında məlumat paylaşılıb.
Bildirilib ki, bu gün axşam saatlarında AzTV-nin ərazisində olan üçmərtəbəli binada otaqlardan birinin bir hissəsində tavan çöküb, nəticədə bir əməkdaş xəsarət alıb.
Hadisə yerinə Fövqəladə Hallar Nazirliyinin xilasediciləri cəlb olunub.
Dağıntı altında qalan telekanal əməkdaşını xilas etmək mümkün olmayıb.
Videomateriallar şöbəsinin texniki işçisi 1996-cı il təvəllüdlü Gülverdi Gülverdiyev həlak olub.