Bərdəyə yenidən raket atıldı – 21 ölü, 70 yaralı – Video

Ermənistan Silahlı Qüvvələri Bərdəyə növbəti dəfə raket zərbəsi endirib.

Saat 13 radələrində Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə 5 raketin atılması nəticəsində 21 nəfər həlak olub, 70 nəfər yaralanıb.

Həlak olanların arasında 1 nəfər Fövqəladə Hallar Nazirliyinin əməkdaşı da var. FHN-nin bir əməkdaşı isə ağır yaralanıb.

Raket hücumu nəticəsində şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib. Raket zərbələri nəticəsində 30-dan artıq ticarət obyektinə, 4 dövlət binasına, 32 minik avtomobilinə zərər dəyib. 6 maşın yanıb, ikisində sürücü içindəykən həlak olub.