Oktyabrın 17-də gecə saat 00:50-də Ermənistan silahlı qüvvələri Gəncə şəhərini ağır artilleriya silahlarından atəşə tutub.
13 nəfər həlak olub, 48 nəfər yaralanıb.
Baş Prokurorluğun məlumatına əsasən həlak olmuş şəxslərdən 6-sı kişi, 4-ü qadın, 3-ü azyaşlıdır.
Yaralanan 48 nəfərdən 23-ü kişi, 20-si qadın, 5-i azyaşlıdır.
İki uşaq itkin düşüb.
Qeyd edək ki, Ermənistan silahlı qüvvələri oktyabrın 11-də gecə saat 02 radələrində Gəncə şəhərini Ermənistan ərazisindən raket atəşinə tutub. 4-ü qadın olmaqla 9 nəfər həlak olub, 16-sı qadın, 6-sı uşaq olmaqla 34 nəfər yaralanıb, çoxsaylı mülki infrastruktur obyektlərinə külli miqdarda ziyan dəyib.
Oktyabrın 12-də isə yaralı şəxslərdən biri, 1992-ci il təvəllüdlü Əliyeva Günay Zahid qızı müalicə olunduğu xəstəxanada vəfat edib.
