Avqustun 25-də Azərbaycanda koronavirus (COVID-19) infeksiyasına 133 yeni yoluxma faktı qeydə alınıb, 86 nəfər müalicə olunaraq sağalıb və evə buraxılıb.
Nazirlər Kabineti yanında Operativ Qərargahın məlumatına görə, son sutkada koronavirusdan 2 nəfər vəfat edib.
İndiyədək ölkədə ümumilikdə 35 559 nəfərin koronavirus infeksiyasına yoluxması faktı müəyyən edilib, onlardan 33 190 nəfər müalicə olunaraq sağalıb, 521 nəfər vəfat edib, 1 848 nəfərin xüsusi rejimli xəstəxanalarda müalicəsi davam etdirilir.
Son sutka ərzində yeni yoluxma hallarının müəyyənləşdirilməsi ilə əlaqədar 6 612, bu günə qədər isə ümumilikdə 885 279 test icra olunub.
Bu gün daha bir jurnalist koronovirus infeksiyasından vəfat edib. “Həftə içi” qəzetinin əməkdaşı Qələndər Xaçınçaylı müalicə aldığı xəstəxanada vəfat edib.
Jurnalistlərin Həmkarlar Təşkilatının sədri Müşfiq Ələsgərli Turan-a bildirib ki, Azərbaycanda indiyədək 40 jurnalist koronavirus infeksiyasına yoluxub, onlardan 5-i vəfat edib.