Sosial şəbəkələrdə yayılan məlumata görə, Baş Prokurorluğun korrupsiyaya qarşı mübarizə İdarəsinin bu gün həyata keçirdiyi xüsusi əməliyyat zamanı Kürdəmir rayon İcra Hakimiyyətinin başçısı Ceyhun Cəfərov və onun iki müavini saxlanılıb. Qeyri-rəsmi məlumatlara görə, onlar korrupsiyada ittiham olunurlar.
Baş Prokurorluq Kürdəmir Rayon İcra Hakimiyyətində xüsusi əməliyyat həyata keçirdiyini təsdiq etsə də, hələlik bu barədə rəsmi məlumat yaymır.
* * *
Korrupsionerlərə qarşı növbəti əməliyyat – bu dəfə Kürdəmirdə
Avqustun 19-da Baş Prokurorluğun Korrupsiyaya qarşı Mübarizə İdarəsi Kürdəmir rayon İcra Hakimiyyətində xüsusi əməliyyat həyata keçirib. Bəzi məlumatlara görə, bir neçə nəfər saxlanılıb. Əməliyyat davam edir, prokurorluq daha sonra ətraflı məlumat yaymağı vəd edir.
Əməliyyatın təfsilatı açıqlanmır, amma böyük ehtimalla söhbətin korrupsionerlərin həbsindən getdiyini demək olar. Bu əməliyyatlar seriyası fevralda başlayıb. Bir neçə ay ərzində bir neçə rayonun və şəhərin icra hakimiyyəti başçısı korrupsiya və sui-istifadə ittihamları ilə həbs edilib.