Axşamdan xeyli keçmiş Hacıqabul rayonunda (Bakıdan 120 km.) diametri 720 mm. olan magistral qaz kəməri partlayıb. SOCAR Dövlət Neft Şirkətindən bildiriblər ki, partlayış yaşayış məntəqələrindən aralıda baş verib. Əhali üçün təhlükə yoxdur.
Boru kəmərinə qaz verilməsi dayandırılıb və boruda qalan qaz yandıqdan sonra yanğın sönüb.
Partlayışın səbəbi məlum deyil. İlkin məlumatlara görə, bu, korroziya nəticəsində baş verə bilər. Korroziya sızmaya və sonradan alışmaya səbəb olub.