REAL (Respublikaçı Alternativ Patiyası) partiyasının onlayn təsis qurultayı keçirilib.
Qurultaya 108 nümayəndə seçilib, onlardan 98-i forumda iştirak edib. 10 nümayəndə İnternet problemi ilə əlaqədar qurultayın işində iştirak edə bilməyib.
“Qurultayda əvvəl partiyanın təsis olunduğu elan edilib. Nizamnamə və proqram sənədləri, partiyanın atributları, loqosu, bayrağı və möhürü təsdiqlənib. Sonda isə altı nəfərdən ibarət Siyasi Komitə seçilib.
Siyasi Komitəyə İlqar Məmmədov, Erkin Qədirli, Rəsul Cəfərov, Natiq Cəfərli, Zaur Qurbanlı və Mahmud Mahmudov seçiliblər.
Qurultay Siyasi Komitəyə partiya üzvlərindən və məşhur şəxslərdən komitənin tərkibinə yeni üzvlər qəbul etmək səlahiyyəti verib.
Cəfərli qeyd edib ki, partiya sədrini Siyasi Komitə bu həftə keçirilməsi nəzərdə tutulan ilk iclasında seçəcək.
Bundan başqa, beş nəfərdən ibarət Təftiş-Nəzarət Komissiyası seçilib. Onun tərkibi də hər üç ayda bir nümayəndələr arasından əlifba sırası ilə yenilənəcək.