Hindistanda gün ərzində COVID-19 infeksiyasına rekord sayda – 19 min 906 yoluxma halı qeydə alınıb.
Bu barədə Hindistanın Səhiyyə Nazirliyi məlumat yayıb.
Bildirilir ki, bununla da ölkədə ümumi yoluxma hallarının sayı 528 min 859-a yüksəlib.
Ötən sutka ölkədə infeksiya səbəbindən həm də 410 ölüm hadisəsi baş verib. Bundan sonra Hindistanda indiyədək virusdan ölənlərin sayı 16 min 95 nəfər olub.
Virusa yoluxanların 58 faizinin sağaldığı bildirilir.
Qeyd edək ki, Hindistan COVID-19 virusuna yoluxanların sayına görə ABŞ, Braziliya və Rusiyadan sonra 4-cü sıradadır.