Ukraynada 334 tibb işçisi koronavirusa yoluxub.
Bunu Ukraynanın Səhiyyə naziri Maksim Stepanov açıqlayıb.
“Bizim 2203 koronaviruslu xəstəmiz var. Onlardan 334-ü tibb işçisidir. Biz gündəlik olaraq, onların fərdi mühafizə vasitələri ilə maksimal dərəcədə təmin edilməsi ilə məşğul oluruq”, – o, cümə günü “İnter” telekanalının efirində deyib.
Cümə günü Ukrayna Silahlı Qüvvələrinin Tibbi xidmət komandanlığı da, həmçinin orduda koronavirusa 3 yeni yoluxma haqqında bildirib. Bununla da, Ukraynada koronavirusa yoluxan hərbçilərin ümumi sayı 10-a yüksəlib, onlardan biri vəfat edib.
Umumilikdə Ukraynada 2 203 yoluxma, 69 ölüm halı qeydə alınıb, 61 pasiyent sağalıb. Yoluxma hallarının çoxu Kiyev və ölkənin qərb böllgələrində qeydə alınır.