İngiltərə Baş Naziri Boris Conson koronavirusa yoluxub.
Baş Nazir bu barədə tvitter hesabında məlumat paylaşıb. O, son 24 saatda virusun simptomlarını özündə hiss etdiyini və bu səbəbdən də analiz verdiyini açıqlayıb. Dövlət rəsmisinin test nəticəsi pozitiv çıxıb.
Qeyd edək ki, Boris Conson hazırda karantindədir. O, karantin müddətində videokonfrans vasitəsilə hökumətin işlərini idarə etməyə davam edəcəyini bildirib.