Koronavirus epidemiyasından dolayı ən çox ölüm faktının qeydə alındığı İtaliyadan dəhşətli xəbərlər gəlməkdə davam edir.
Ölkənin müxtəlif bölgələrində insanların küçənin ortasında, ictimai yerlərdə can verməsi ilə bağlı fotolar yayılır.
Son məlumata görə, bir qadın elə əyləşdiyi skamyadaca həyatını itirib, digər bir şəxs isə bank növbəsində olan zaman vəfat edib.
İndiyə qədər İtaliyada koronavirus səbəbiylə həyatını itirənlərin sayı 627 nəfər artaraq 4032-yə çatıb.
Ölkə üzrə koronavirusa yoluxanların ümumi sayı da rekord sürətdə artaraq 47,021 nəfərə çatıb.
Qeyd edək ki, İtaliya koronavirusdan ölənlərin sayına görə Çini keçərək epidemiyadan ən çox ölüm halı yaşanan ölkə olub.