Azərbaycanda “Lider” telekanalının yayımı dayandırılıb.
Saat 22:01-də “Gecənin sehri” adlı veriliş başlayarkən telekanalın efiri yarımçıq kəsilib.
Televiziya şirkətinin əməkdaşlarının qeyri-rəsmi bildirdiklərinə görə, kanalın bağlanmasından bir neçə saat əvvəl Lider TV rəhbərliyinin nümayəndələri kollektivin yaradıcı hissəsinə sabah televiziya kanalının fəaliyyətinin dayandırılacağı barədə xəbərdarlıq ediblər.
Buna baxmayaraq, yayım gözlənilmədən dayandırılıb. Yayımın dayandırılmasının səbəbləri barədə məlumat verilmir.
Qeyd edək ki, uzun müddətdir telekanalda ciddi maliyyə problemləri yaşanırdı.
Xatırladaq ki, “Lider” telekanalı 2000-ci ildən fəaliyyət göstərirdi. Kanalın rəhbəri Ədalət Əliyevdir.