Donald Tramp yanvarın 20-də Birləşmiş Ştatların 47-ci prezidenti olaraq and içəcək. Bu, cəmi 9 il ərzində Respublikaçılar Partiyasını yenidən formalaşdırmış şəxsin artan dərəcədə qütbləşən ölkədə hakimiyyətə tarixi qayıdışı sayılır. Amerikanın Səsinin müxbiri Tini Trinh Trampın siyasi qayıdışına nəzər salır.
Donald Tramp deyir ki, o, Amerika seçicilərindən “misilsiz və qüdrətli mandat” almış şəkildə yenidən prezident seçilib: “Mən Amerika xalqına sizin 47-ci və 45-ci prezidentiniz seçilmək kimi föqəladə şərəfə görə təşəkkürümü ifadə etmək istəyirəm. Və hər bir vətəndaşa. Mən sizin üçün, sizin ailəniz üçün, və gələcəyiniz üçün savaşacağam. Canımdakı hər nəfəslə uşaqlarımızın və sizin layiq olduğunuz qüdrətli, salamat, və firavan Amerika bəxş edənədək rahat durmayacağam.”
Trampın hakimiyyətə qayıdışı onun “xeyr” cavabı ilə barışmamasının tərkib hissəsidir.
Ras Buetner, New York Times: “Sizin gördüyünüz öz intuisiyasına inanılmaz dərəcədə arxalanan bir adamdır.”
Rass Buettner and Syuzan Kreyq The New York Times qəzetinin araşdırıcı müxbirləri və “Şanslı Məğlub” kitabının müəllifləridir. Bu kitabda Trampın özünü necə milyarderə çevirməsi təsvir edilir.
Ras Buetner, New York Times: “O, 1980-ci illərin əvvələrindən bəri öz sahəsi üzrə ekspertizaya malik olan insanlara o qədər də etibar etməyib. O, həmişə onların qərarlarını üstələyib ki, işlər onun istədiyi məcrada getsin.”
Ambisiya və özünüreklamın ifadəsi olaraq Trampın binalarında onun adı iri qızıl hərflərlə əks olunub.
Syuzan Kreyq, New York Times: “The New York Times-a müsahibə verəndə, onun 200 milyon dolları var idi. Və 10 il sonra “60 Dəqiqə” verilişinə danışanda bu rəqəm milyarda çatmışdı.”
Tramp özünə diqqət cəlb etməkdə və işgüzar imicini təşviq etməkdə mahir idi. O, öz adının lisenziyalaşdırılmasından milyonlar qazanıb.
Lakin uğurun arxasında problemlər də var idi. Onun şirkətləri altı dəfə müflis olub. Onun kazinoları pul itirərək bağlanıb.
Tramp “Şəyird” adlı TV şousu ilə dirçəldi və bu onu ən böyük roluna aparan yol idi.
Donald Trump, 2016-cı il prezident seçkilərinə namizəd: “Xanımlar və cənablar, mən rəsmən Birləşmiş Ştatlar prezidentliyi uğrunda yarışa qatılıram. Və biz bu ölkəni yenidən möhtəşəm edəcəyik.”
Çəkinmədən və açıq danışığı ilə Tramp qütbləşdirici və millətçi namizəd idi.
Donald Trump, 2016-cı il prezident seçkilərinə namizəd:
“Meksika öz adamlarını göndərəndə, ən yaxşılarını göndərmir. Onlar narkotik gətirirlər, onlar cinayət gətirirlər, onlar zorlayanlardır və güman edirəm ki, bəziləri yaxşı adamdır.”
Prezident olaraq Tramp Ali Məhkəməyə üç hakim təyin etdi ki, onları federal abort hüquqlarının aradan qaldırılmasında önəmli rol oynadılar.
2020-ci ilin əvvəllərində COVID-19 pandemiyası Trampı imtahana çəkdi. O, həyat əhəmiyyətli peyvəndlərin sürətlə inkişaf etdirilməsinə səy göstərdi. Lakin eyni zamanda o, virusun məhv edilməsi üçün bədənə ağardıcı kimyəvi mayenin vurulmasının alimlər tərəfindən araşdırlmasına eyham vurdu.
9 milyon amerikalının yoluxduğu və ölümlərin 230,000-ə çatdığı bir şəraitdə seçicilər noybarda Co Baydeni növbəti prezident seçdilər.
Ofisi tərk etdikdən sonra Tramp müxtəlif cinayət ittihamları ilə üzləşdi və ağır cinayət üzrə məhkum olunan ilk sabiq prezident oldu.
Bununla belə, heç zaman olmadığı qədər populyardır.
Ötən il iki sui-qəsd cəhdindən sağ qurtulması onunla və seçiciləri arasındakı bağları bir az da gücləndirdi.
Pam Smit, Tramp dəstəkçisi: “Tanrının Tramp üçün planı var. Və o, hansısa məqsəd və səbəbə görəsə sağ çıxıb. Ümid edirəm ki, 47-ci prezident olmaq üçün.”
Amerika siyasəti Tramp ona qatılandan bəri fərqli xarakter alıb. Və “Qayıdışn İncəsənəti” adlı kitabın həm-müəllifi olan şəxs Amerika tarixində ən böyük qayıdışa nail olduqdan sonra yenidən hakimiyyətə dönür. (Amerikanın səsi)