Sotheby’s bildirib ki, divara yapışdırılmış banandan ibarət sənət əsəri çərşənbə günü hərracda kriptovalyuta sahibkarı Castin Suna 6,2 milyon dollara satılıb və bu, incəsənətin nədən ibarət olduğuna dair qlobal mübahisələri qızışdırıb.
İtalyan rəssam Mauritsio Kattelanın “Komediyaçı” əsəri ilk dəfə 2019-cu ildə Art Basel Mayamidə debüt edərək sənət dünyasını şoka salmışdı və o qədər böyük izdiham toplamışdı ki, ictimai təhlükəsizlik və nümayiş etdirilən digər əsərləri qorumaq üçün sərgi yığışdırılmalı olmuşdu.
Nyu-Yorkda keçirilən Sotheby’s hərracında çəkic təxminən beş dəqiqə sonra açılış qiyməti 800 000 dollardan 5.2 milyon dollara yüksəlmişdi. Sotheby’s-in dediyinə görə, təkliflər satışdan əvvəl yüksək qiymət olan 1,5 milyon dolları ötüb.
Çinli kollektor və kriptovalyuta Tron-un qurucusu Sun təklifini telefonla etmişdi. Artnet.com xəbər verir ki, o, kriptovalyuta ilə ödəniş edib və alıcı banan çürüdükdə onu əvəz edəcək.
Sun Sotheby’s-ə verdiyi açıqlamada “Bu, sadəcə bir sənət əsəri deyil. Bu, incəsənət aləmlərini, memarları və kriptovalyuta cəmiyyətini birləşdirən mədəni fenomeni təmsil edir. İnanıram ki, bu əsər gələcəkdə daha çox fikir və müzakirələrə səbəb və tarixin bir parçası olacaq”.
Kattelan qızıl tualet və meteoritlə vurulan papanın heykəli kimi digər cəsarətli əsərləri ilə tanınır. İncəsənət mütəxəssisləri əsər haqqında Sotheby’s videosunda onun 2018-ci ildə Londonda keçirilən Sotheby’s hərracında parçalanmış Benksinin “Şarlı Qız” əsəri ilə müqayisə edərək, onun gülməli, absurd və sənət bazarının rəmzi olduğunu bildiriblər. (Amerikanın səsi)