Azərbaycan parlamenti bu gün Milli Məclisə növbədənkənar seçkilərin təyin olunması ilə bağlı prezidentə müraciət edib.
Müraciət parlamentdə mütləq əksəriyyət təşkil edən hakim Yeni Azərbaycan Partiyasının deputatlarının təşəbbüsü ilə qəbul olunub.
Təşəbbüs növbəti parlament seçkilərinin noyabrda keçirilməli olması, lakin həmin vaxt Bakıda COP29 da daxil olmaqla, beynəlxalq tədbirlərin keçiriləcəyi ilə əsaslandırılıb.
Çox güman ki, növbədənkənar seçkilər sentyabrın əvvəllərində keçiriləcək.