Noyabrın 16-da Nərimanov Məhkəməsində ADR Partiyasının sədri, professor Qubad İbadoğlunun həbs müddətinin uzadılması məsələsinə baxılıb.
Vəkil Zibeydə Sadıqovanın Amerikanın Səsinə verdiyi məlumata görə, məhkəmə onun həbs müddətinin daha 3 ay uzadılması barədə qərar qəbul edib.
“Müstəntiq və prokuror məhkəməyə vəsatət və təqdimat verdi ki, Qubad bəyin həbsdə qalma müddəti daha üç ay uzadılsın. Çünki istintaq hərəkətləri keçirilir. O, azadlıqda qalarsa istintaqa təsir edə bilər. Dedilər ki, hətta bəlkə yeni ittihamlar ola bilər”, vəkil Zibeydə Sadıqova deyib.
