İctimai fəal Bəxtiyar Hacıyev ona qarşı cinayət işi ilə əlaqədar saxlanılıb. O, qətimkan tədbiri seçilməsi üçün Bakının Xətai rayon məhkəməsinə aparılır, bu barədə Turan-a vəkil Aqil Layıcov bildirib.
Hacıyev jurnalist Ülviyyə Alovlunun şikayəti ilə xuliqanlıqda ittiham olunur.
Hacıyev və Alovlu arasında çoxdan münaqişə var və onlar qarşılıqlı olaraq bir-birini böhtanda ittiham edirdilər.
Məhkəmə proseslərindən birində onlar arasında sözlü atışma başlayıb və davaya çevrilib. Bundan sonra Hacıyevə qarşı cinayət təhqiqatı başlayıb.
Tanınmış ictimai fəal Bəxtiyar Hacıyev barəsində Bakı Şəhər Baş Polis İdarəsi tərəfindən verilmiş təqdimata məhkəmədə baxılıb. Xətai Rayon Məhkəməsi təqdimatı təmin edib. B.Hacıyev barəsində 1 ay 20 gün müddətə həbs qətimkan tədbiri seçilib.
Qeyd edək ki, Bəxtiyar Hacıyev Bakı şəhər Baş Polis İdarəsində Cinayət Məcəlləsinin 221-ci (Xuliqanlıq) və 289-cu (Məhkəməyə hörmətsizlik etmə) maddələri ilə başlanmış cinayət işi ilə əlaqədar saxlanılıb.
* Bəxtiyar Hacıyev hakimiyyətin kəskin tənqidçisi kimi tanınır. O, dəfələrlə saxlanılıb və repressiyalara məruz qalıb.
Bu ilin avqustunda o, Prezident Administrasiyasına hüquqlarının pozulması ilə əlaqədar Azərbaycan vətəndaşlığından imtina etməsi haqqında ərizə yazıb.
Alovlu ilə Hacızadə arasında münaqişə onların pişiklərinin balalarını paylaşa bilmədiklərinə görə baş verən mübahisədən sonra başlayıb. Məişət mübahisəsi qarşılıqlı ittihamlara keçib və məhkəmə təhqiqatı başlayıb.
Bəxtiyar Hacıyev dəfələrlə hakimiyyətin tənqidə görə ondan qisas almaq üçün bu faktdan istifadə etdiyini bildirib.