Qazaxıstanın birinci Prezidenti Nursultan Nazarbayevin kürəkəni Timur Kulibayev “Atameken” Milli Sahibkarlar Palatasının Rəyasət Heyətinin sədri vəzifəsindən istefa verib.
Bu barədə “Atameken” Milli Sahibkarlar Palatası məlumat yayıb.
T.Kulibayev istefa verməsinin səbəbini açıqlamayıb.
Qeyd edək ki, T. Kulibayev Nursultan Nazarbayevin ortancıl qızı Dinaranın həyat yoldaşıdır. Timur və Dinara Kulibayevalar ölkənin nəhəng “Qazaxıstan Xalq Bankı”nın sahibləridir.
Xatırladaq ki, bundan öncə “KazTransOil” SC-nin İdarə Heyətinin sədri Dimaş Dosanov və “QazaqGaz” Milli Şirkəti SC-nin sədri Kayrat Şaripbayevin səlahiyətlərinə xitam verilib. D.Dosanov N.Nazarbayevin kiçik qızı Aliyənin həyat yoldaşıdır. K.Şaripbayev isə N.Nazarbayevin böyük qızı Dariqa ilə qeyri-rəsmi nikahdadır.