Baş Prokurorluğa çağırılan jurnalist Fikrət Fəraməzoğlu cərimələnib.
Bu barədə o özü məlumat verib:
“Respublika Prokurorluğuna dəvət olunmağıma səbəb ötən gün jamaz.info-da yayımladığım “Xankəndidən Şuşa şəhəri atəşə tutuldu” başlıqlı yazıdır. Prokurorluq belə qənaətə gəlib ki, həmin yazı cəmiyyətin müəyyən təbəqəsində çaşqınlıq yaradıb, müəyyən qisim narahat olub və qorxu keçirib. Təbii ki, bu iddianı qəbul etmədim və uzun sürən müzakirədən sonra hər birimiz öz mövqeyində qaldıq. Nəhayət, Prokurorluq hesab etdi ki, mən İnzibati Xətalar Məcəlləsinin 388-1.1-ci maddəsini pozmuşam və məhkəmə bununla bağlı qərar verməlidir.
Ardından Sabunçu rayon Məhkəməsinə gətirildim və hakim Anar Rzayevin sədirliyi ilə proses keçirildi. Hakimin qərarına əsasən mən sözügedən maddə üzrə təqsirli bilinib 500 manat cərimə olundum. Şübhəsiz həmin qərardan apelyasiya şikayəti verəcəm”.