Azərbaycan-Ermənistan dövlət sərhədinin Kəlbəcər rayonu istiqamətində günorta saatlarında Ermənistan silahlı qüvvələrinin törətdiyi təxribat nəticəsində müddətdən artıq həqiqi hərbi xidmət hərbi qulluqçusu, əsgər Nəzərov Ayaz Azər oğlu şəhid olub.
Bu barədə Müdafiə Nazirliyi məlumat yayıb.
24 yaşlı şəhid Ayaz Nəzərov Tovuz rayon Bozalqanlı kəndindəndir.
A.Nəzərov ailənin 2-ci oğlu idi, subay idi. Ondan böyük bir qardaşı var, o da subaydır.
Şəhidimiz doğulub yaşadığı Tovuz rayonunda dəfn olunacaq.
Qeyd edək ki, şəhid A.Nəzərovun bacısı ailə həyatı qurduqdan bir neçə gün sonra özünü körpüdən ataraq intihar edib. Hadisə 3 il öncə baş verib. İntihara səbəb ailə münaqişəsi olub.
