Bu ilin yanvar ayının 1-dən “İnsan orqan və toxumalarının donorluğu və transplantasiyası haqqında” qanun qüvvəyə minib.
Ölkədə fəaliyət göstərən 14 tibb müəssisəsinə donor orqanlarının götürülməsinə, hazırlanmasına, saxlanmasına, daşınmasına, idxalına və ixracına icazə verilir.
Həmin xəstəxanalar bunlardır:
1. Akademik Mirməmməd Cavadzadə adına Respublika Kliniki Uroloji Xəstəxanası – böyrək;
2. Dövlət Gömrük Komitəsinin Tibbi Xidmət İdarəsinin Mərkəzi Hospitalı – qaraciyər, mədəaltı vəzi və onun seqmentləri, böyrəklər, gözün buynuz qişası;
3. Dövlət Təhlükəsizliyi Xidmətinin Hərbi-tibb baş idarəsinin Hərbi Hospitalı – qaraciyər, böyrəklər, mədəaltı vəzi, nazik bağırsağın bir hissəsi;
4. Akademik Zərifə Əliyeva adına Milli Oftalmologiya Mərkəzi – gözün buynuz qişası;
5. Mərkəzi Neftçilər Xəstəxanası – qaraciyər, böyrək, mədəaltı vəzi və onun seqmentləri, nazik bağırsağın bir hissəsi, gözün buynuz qişası;
6. “Mərkəzi Klinika” MMC – böyrək, qaraciyər, ürək, ürək-ağciyər kompleksi, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi;
7. Respublika Müalicəvi Diaqnostika Mərkəzi – ürək, ağciyər (ürək-ağciyər kompleksi), qaraciyər, böyrək, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi;
8. Milli Hematologiya və Transfuziologiya Mərkəzi – sümük iliyi;
9. Azərbaycan Tibb Universitetinin Tədris-Cərrahiyyə Klinikası – qaraciyər, böyrək;
10. “Gəncə Müalicə Diaqnostika Mərkəzi” MMC – böyrək, qaraciyər, ürək, ürək-ağciyər kompleksi, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi;
11. “Dünya Göz Azərbaycan” MMC – gözün buynuz qişası;
12. Bakı Sağlamlıq Mərkəzi – qaraciyər, ağciyər, böyrək;
13. Baku Medical Plaza – ağciyər;
14. Bona Dea Beynəlxalq Xəstəxanası – ürək, böyrək, qaraciyər, mədəaltı vəzi, nazik bağırsağın bir hissəsi, gözün buynuz qişası.