2020-ci ilin dekabrında həbs edilən Cəlilabad Rayon İcra Hakimiyyətinin keçmiş başçısı Namiq Zeynalovun cinayət işi üzrə ibtidai istintaq yekunlaşıb.
İş baxılması üçün Lənkəran Ağır Cinayətlər Məhkəməsinə göndərilib. Hakim Xamməd Nuriyevin icraatına verilən iş üzrə məhkəmənin hazırlıq iclası bu gün keçiriləcək.
Qeyd edək ki, N.Zeynalov Cinayət Məcəlləsinin 179.4-cü maddəsi ilə (külli miqdarda mənimsəmə və ya israf etmə) mühakimə olunacaq.