Qazaxıstan prezidenti Kasım-Jomart Tokayevin sədrliyi ilə təhlükəsizlik şurasının iclası keçirilib.
Bu barədə “Sputnik Qazaxıstan” məlumat yayıb.
İclasda Prezident Kollektiv Təhlükəsizlik Müqaviləsi Təşkilatı üzvü olan ölkələrə müraciət edib. O, ölkədə baş verənləri xarici müdaxilə kimi qiymətləndirib.
Yerli telekanallar vasitəsilə yayımlanan iclas zamanı Tokayev Almatıdakı iğtişaşların təşkilatçılarını “terrorçu dəstələr” adlandırıb:
“Hazırda Almatıda və digər şəhərlərdə terrorçular tüğyan edir. Almatı yaxınlığında Müdafiə Nazirliyinin hava desant bölməsi döyüşlər aparır. Şəhərin hava limanı, beş təyyarə ələ keçirilib”.