Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) keçmiş icraçı direktoru Vüqar Səfərlinin Bakı Ağır Cinayətlər Məhkəməsinin hökmü ilə müsadirə edilən əmlakının və bank hesabının siyahısı məlum olub.
V.Səfərlinin müsadirə olunun əmlakı və bank hesabları aşağıdakılardır:
1. Xətai rayonu, 8 Noyabr prospekti, 23 ünvanında yerləşən qeyri-yaşayış sahəsi;
2. Xətai rayonu, Əhmədli qəsəbəsi, Əhmədli 9 küçəsi, ev 14 ünvanında yerləşən torpaq sahəsi;
3. Xətai rayonu, Lütfi Zadə küçəsi, ev 18A (49 kv/m) ünvanı;
4. Goradil kəndindəki 0,104 hektarlıq bağ sahəsi;
5. İsmayıllı rayonu, Ticran kəndində yerləşən 0,1 hektarlıq torpaq sahəsi%
6. İsmayıllı rayonu, Ticran kəndində yerləşən 0,19 hektarlıq torpaq sahəsi;
7. “Mercedens Benz ML 350” markalı avtomobili;
8. “Volkswagen Tuareg” markalı avtomobili;
9. “Toyota Land Cruiser” markalı avtomobili;
10. Binəqədi rayonu, Novxanı kəndində yerləşən 0,223 hektar torpaq sahəsində olan 701 nömrəli 192.8 kv/m-lik bağ evi;
11. Binəqədi rayonu, Novxanı kəndində yerləşən 291 kv/m-lik bağ evi;
12. oğlu Seymur Səfərliyə məxsus Xətai rayonu, 8 Noyabr prospektində yerləşən 23 nömrəli evin birinci mərtəbəsindəki 39 kv/m-lik qeyri-yaşayış sahəsi;
13. “Rabitəbank” ASC-də hesabında olan 300 min manat;
14. “Rabitəbank” ASC-də oğlunun hesabına olan 500 min manat;
15. Baş Prokurorluğun depozit hesabına qoyulmuş 200 min manat vəsait;
Xatırladaq ki, istintaq dövründə adı çəkilən əmlakın üzərinə həbs qoyulmuşdu.
Qeyd edək ki, Bakı Ağır Cinayətlər Məhkəməsinin hökmü ilə Vüqar Səfərli cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum olunub.