Milli Məclisin deputatı Eldəniz Səlimovun cinayət işi üzrə məhkəmə prosesi yekunlaşıb.
Sumqayıt Ağır Cinayətlər Məhkəməsinin hökmü ilə Eldəniz Səlimov Cinayət Məcəlləsinin 309.2-ci (vəzifə səlahiyyətlərini aşma) maddəsi ilə təqsirli bilinərək 3 il 6 ay müddətinə azadlıqdan məhrum edilib.
Qeyd edək ki, Milli Məclisin deputatı E.Səlimov bu il iyulun 29-da Xaçmaz şəhərində yerləşən “Starıy Dvor” restoranında polis əməkdaşına xidməti vəzifələrinin icrası ilə əlaqədar zor tətbiq etdiyinə görə Baş Prokurorluq onun barəsində cinayət işi başlayıb.
İtihama görə, E.Səlimov qohumuna məxsus restoranda Xaçmaz Rayon Polis Şöbəsinin inspektoru, leytenant Zaur Mirzəyevin həmin restoranda xüsusi karantin rejimi qaydalarının pozulması barədə bildirisini özünə hörmətsizlik kimi qiymətləndirərək onun ünvanına nalayiq ifadələr işlədib. O, daha sonra polis əməkdaşının sifət və baş nahiyəsinə yumruq və başı ilə zərbələr vurmaqla onun sağlamlığına yüngül zərər yetirib.