Qazaxıstanda ölüm hökmü ləğv edilib.
Ölkə parlamentinin yuxarı palatası olan Senat bununla bağlı qanun qəbul edib.
Qanunvericiliyə edilən dəyikliyin əsaslandırılması zamanı bildirilib ki, qanun yaşamaq hüququnu təmin etməyə kömək edəcək.
Dəyşikliklə Cinayət Məcəlləsinin bütün maddələrindən ölüm hökmü çıxarılıb.
Bundan sonra Qazaxıstanda ən ağır cəza ömürlük azadlıqdan məhrumetmə olacaq.
Senatın qanunu qəbul etməsinə 2021-ci ilin yanvarında Qazaxıstanın BMT-nin “Ölüm cəzasının ləğvinə yönəldilmiş mülki və siyasi hüquqlar haqqında Beynəlxalq pakta İkinci Fakültətiv protokol”unu ratifikasiya etməsi səbəb olub.
Qeyd edək ki, Mülki və siyasi hüquqlar haqqında Beynəlxalq Paktın İkinci Fakultativ Protokolu Mülki və siyasi hüquqlar haqqında Beynəlxalq Pakta uyğun olaraq edam cəzasının ləğv edilməsinə yönəlmiş beynəlxalq müqavilədir. 15 dekabr 1989-cu ildə BMT Baş Məclisi tərəfindən qəbul edilib, 11 iyul 1991-ci ildə qüvvəyə minib. Könüllü Protokolda 89 dövlət iştirak edir. Konvensiyanı ən son təsdiqləyən ölkə 18 mart 2021-ci ildə Ermənistan olub.