2015-ci il dekabrın 4-də “Neft Daşları” NQÇİ-nin 501 nömrəli özülündə baş vermiş qəza nəticəsində itkin düşən neftçilərdən birinin meyitinin tibbi ekspertizasından sonra şəxsiyyəti müəyyənləşib.
Meyit ölən neftçilərdən biri, 1961-ci il təvəllüdlü Bəhmən Cəfərova aiddir.
Bu barədə neftçinin oğlu Bəhruz Cəfərov məlumat verib.
Qeyd edək ki, bir neçə gün əvvəl dənizdə insan qalıqlarının tapıldığı açıqlamışdı.
Xatırladaq ki, 4 dekabr 2015-ci ildə “Neft Daşları” NQÇİ-nin 501 nömrəli özülündə güclü tufan nəticəsində dalğalar estakada döşəməsini üstündəki yaşayış köşkü ilə birlikdə dənizə atılmışdı. Qəza ilə bağlı Cinayət Məcəlləsinin 314-cü (səhlənkarlıq) maddəsi ilə cinayət işi başlanıb.