“Biz “Azəristiliktəchizat” ASC-yə qaza olan borcunu ödəmək üçün 1 həftə vaxt vermişdik. Artıq onlar müəyyən qədər ödəniş edib”.
Bunu jurnalistlərə Dövlət Neft Şirkətinin (SOCAR) “Azəriqaz” İstehsalat Birliyinin baş direktoru Ruslan Əliyev deyib.
Baş direktor bununla belə, möhlətin müddətinin dekabrın 15-nə qədər uzadıldığını vurğulayıb:
“Əgər o vaxta qədər ödəniş olmasa, biz borclu abunəçinin qazını kəsməyə məcbur olacağıq”.
Qeyd edək ki, istilik mövsümünün 15 noyabr tarixindən başlanması nəzərdə tutulsa da çox binaya istilik verilməyib. Bununla bağlı sosial şəbəkələrdə vətəndaşlar tərəfindən çoxsaylı şikayətlər yayılıb.